謝婷婷前晚與汪圓圓及陳逸璇為時裝品牌Laurel擔任模特兒，示範09秋冬新裝，火紅打扮的婷婷成為全場焦點，提到霆鋒上月生日，她踢爆哥哥最開心是聽到兒子Lucas對他說生日快樂：「哥哥話Lucas識講好多嘢，平時佢好Cool，但一講起個仔就好冧！」近日盛傳張栢芝在加拿大待產，但婷婷表示不清楚阿嫂行蹤，問到栢芝是否在港時，她說：「好想答你，但我真係唔知！（栢芝點陪霆鋒過生日？）唔知！不過我諗應該有特別嘢。」

陳逸璇示範最新秋冬裝，意態撩人。	汪圓圓（左起）、謝婷婷和陳逸璇示範秋冬新裝。	Lucas一句「生日快樂」即把霆鋒冧暈。 資料圖片

男友最愛素顏Look

此外，她自爆男友安志杰最愛其素顏Look：「我唔化妝佢就最鍾意！有時見我皮膚敏感，塗啲白色藥膏喺面度就覺得好Cute。（介意佢不修邊幅？）唔介意！佢鍾意就得，佢唔似阿爸，行出嚟要型，四哥係唔同啲，落街買嘢飲都要扮靚！」