小時候斯斯文文的文恩澄，除學鋼琴外，她的興趣卻十分男仔頭，竟然是跆拳道高手，唸書也是讀編寫電腦程式：「由細到大都好鍾意學嘢，而且都幾唔文靜㗎！有學過跆拳道，喺美國讀編寫電腦程式。」

文恩澄因為喜歡音樂和彈鋼琴，所以回港發展。

文爸爸和Rannes與石象合照。

Rannes的哥哥比她年長三年，她還有一個妹妹，妹妹比她細一年，幼時舉家移民美國，在美國唸書，並與哥哥讀同一科，她說：「嗰陣啲同學全部都係大人，得我哋兩個小朋友，因為之後我發覺鍾意音樂多啲，朋友透過E-mail叫我返嚟香港發展，咁咪返咗嚟香港囉！而媽咪同哥哥仍然留喺美國，妹妹就同我一齊返嚟香港。」

撈亂骨頭

Rannes和哥哥感情最好，反而與相差一年的妹妹恍如撈亂骨頭，她說：「我哋咩都可以鬥一餐，試過為爭拖媽咪隻手打交，依家大個咗講番真係好好笑。」