12/09/2009

播放本新聞相關短片

謝安琪請陳奕迅睇戲

謝安琪（Kay）和鄭融等前晚出席電影《死神傻了》煞科宴，首次擔正女主角的Kay表示冇壓力，至於會否請陳奕迅睇戲？她說：「會，都會叫公司同事支持吓，不過最近都好少撞到佢。」同場的周秀娜則指早前在日本行騷，順道洽談工作，希望能作多方面發展如拍日劇等，記者問她有否擔心與男友分隔兩地，她說：「佢都有攬枕啦！（好多人都有！）佢唔同，佢有兩個嘛！」