黎明嫂樂基兒（Gaile）和Jocelyn等，前晚為Max & Co.假山頂太平餐廳舉行的09秋冬時裝展行騷，Gaile完騷後應記者要求拍照，要求做訪問時她卻連聲笑說：「Thank you！」然後離去。另外，出席嘉賓包括阿Sa、詩雅、何嘉莉和羅愛欣等。以中性打扮示人的阿Sa，被問到男友鄭中基是否喜歡她多作女性化打扮？阿Sa甜笑說：「隨着年紀成長，人生經驗就唔同。（你嘅經驗咪拍拖囉！）或者啦！（鄭生鍾意你女仔啲？）鍾意一個人就鍾意晒，如果我鍾意一個人就乜都會鍾意！」

阿Sa自言是有計劃的人，不會衝動結婚，但當問到會否在拉斯維加斯註冊時，她竟說：「好危險，都唔定呀！總之隨緣。希望唔會閃電結婚，都想有計劃，總之我唔知聽日點，可能我突然冇人要呢。」她又表示不會刻意公開婚訊：「如果你哋知道去問我，我會坦白，但唔會刻意講，我最理想嘅結婚年齡係30歲。」

現正修讀美術課程的何嘉莉坦言，沒有想過復出。	羅愛欣（左起）、阿Sa和詩雅等，前晚在山頂欣賞時裝騷。	前晚與Jocelyn（右）一同行騷的樂基兒，拒絕接受訪問。

何嘉莉讚周秀娜身材好

另外，何嘉莉表示現正修讀美術課程，沒想過復出：「我復出邊有人睇？（o靚模年齡仲細過你當年出道？）我出道都十六、七歲，當時我背心短褲都性感，但冇人搵我拍寫真，我OKo架！梗係趁身材好同後生影啦！」她更大讚周秀娜身材好。