大玩養眼Cooking的《美女廚房》之「美少女廚神」決賽前晚錄影，八強亮相，但人氣高企的鍾蕙芝（Lavina）和胡心諾（Rainbow）卻冇晒影，估計分別因「衰」暗寸無綫總經理陳志雲及與方力申傳緋聞而被飛！自從陳志雲下令收斂o靚模性感風氣後，決賽亦變得「峰」平浪靜，八位美少女廚神大多密實上陣，不過卻殺出林敏驄大灑鹽花講「有味」說話，令節目生「色」不少！不過，經無綫內部審核，最後要「剪」去阿驄的「有味」對白。

林敏驄突然從後攬腰，嚇了王歌慧一跳！	王喜飲下文紫玲調製的雞尾酒後，面有難色，舌累都舌累唔切！	陳家穎把魔術棒變大變長，惹來林敏驄大講有味笑話。

小方嘲冇實力

經過一輪比併後，由「黎明新女」王歌慧（Emily）奪冠軍、汪汪奪亞軍及盧頌之（DaDa）奪季軍。評判團包括林敏驄、蘇民峰及王喜等，當中以阿驄最反斗，他在Emily表演柔道時，扮色魔偷襲及雙手攬住Emily纖腰，鄭中基看不過眼提醒Emily：「佢係『堅』色魔！」阿驄知難而退及嘆謂：「唔啱位！」其後，他再玩「變大細」，問表演魔術的陳家穎可否將已變大和變長的魔術棒變短，陳家穎耍手擰頭，他取笑說：「你淨係識變長同變大，如果要變細，係咪要用個幾鐘？」阿驄樂此不疲轉攻文紫玲，將她用作調酒的蛋白比喻為「精」，文紫玲將蛋白調入雞尾酒讓王喜試飲，王喜吐出來時說：「好似飲痰！」阿驄說：「可能落咗啲『精』（Drink）落去！」方力申「兜」番：「雞精啫！」阿驄說：「蛋白都係嗰類，可能佢男友成日整畀佢飲！」

Rainbow被飛，問到曾與她傳緋聞的方力申可會鬆口氣？他堅稱沒有，並語帶雙關指有實力者自可留低。問到可覺小方欠風度？Rainbow說：「過咗咁耐唔好再講佢。（話你冇實力？）個人意見，入唔到八強唔會失望。」而因暗寸陳志雲被飛的Lavina則說：「我好欣賞佢，點會暗寸，好鍾意佢口才，EQ又高。（小方話你哋冇實力？）我又唔係廚師。（有黑幕？）我排名跌出十位，可能唔記得叫Fans喺網上投票。」監製則強調八強是經網上投票選出，Lavina和Rainbow不夠票而不入圍。