育有兩名兒子的名模歐陽妙芝，亦是圈中的緊張媽咪！妙芝前晚出席時裝活動時透露，因為懸掛3號風球，她已第一時間接囝囝離開學校：「校方話可以4點先接佢哋，不過我唔放心，好早接走咗！」原來妙芝大仔Achille日前才開學，因他早前發燒及喉嚨痛，於是向學校請假：「囝囝暑假參加表演活動，有個小朋友確診咗（豬流感），好彩最後囝囝冇事！至於細仔讀緊學前班，見佢返學都忍唔住喊，我用埋Video拍低佢哋返學，希望每年整隻DVD，等佢哋大個回味。」