陳慧琳是緊張媽咪，同樣愛子心切的郭晉安（安仔），昨日與郭羨妮及陳美詩等出席活動時說：「我同老婆（歐倩怡）去完北海道，激戰五百回！（造人？）冇！呢個世界有避孕套，我哋Plan咗兩年後先再生！呢個旅程好有初戀Feel，當日同老婆都係喺冰天雪地拍特輯開始，北海道又係冰天雪地，我同老婆後生晒，唔只感情回春，直頭咩都回春，真係想孭起書包返學！」
至於郭羨妮則沒有安仔般風騷，她說：「最近我忙拍飲食節目，食肥咗！（學徐淑敏識個飲食界男友？）未遇到，我步向老姑婆行列㗎喇！」另外，對於緋聞男友孫耀威被指鼻生瘤及聲帶出血，陳美詩說：「唔清楚，不過就知佢暫時唔唱得歌住！」
