陳慧琳心痛囝囝打針，勞永樂醫生指出初生嬰兒在醫院時已接受注射卡介苗：「BB一出世已經打咗一次針，之後2、4、6個月之後要再打預防針，主要係防止白喉、百日咳、破傷風、小兒麻痹同乙型肝炎，到咗1歲之後又要再打另一支針，預防痲疹、德國痲疹同『痄腮』。」勞醫生指Chace打完針後發燒是正常反應：「因為疫苗要刺激免疫系統，所以身體會發燒！」
勞醫生更贊同Kelly餵人奶，增強親子關係：「餵人奶對BB成長一定有好嘅影響！Kelly唔捨得個BB都好正常，其實外國有好多媽咪會帶埋BB工作，Kelly可以做先驅，喺後台爭取育嬰室，做圈中媽咪嘅典範！」