同樣已為人父母的李克勤，昨日除大讚身材弗爆的Kelly外，更與鍾珍傾湊仔經：「父母最鍾意講呢啲，當初我都有向張繼聰同謝安琪請教湊仔心得，因為佢哋個BB大過我嗰個幾個月！」對於Kelly為囝囝打針心痛，他亦大表認同：「我個仔打針時，我都好肉赤！佢咁細個唔算識好多反應，過多一歲反應仲大！好似我個仔初初去主題公園都唔驚，但依家就驚好多嘢，Kelly應該享受個過程！」問到會否再生BB？他坦言心情很矛盾：「要等天意！我想，但又怕太太辛苦！（生仔定生女？）問阿倫啦！佢好似好有心得！」