o靚模周秀娜（Chrissie）由一個普通模，靠惹火身材成功升呢做o靚界性感女神，連「翻版樂基兒」呢個稱號都搣甩，都算係模界奇迹！人氣爆燈、見報率飆升兼爆Job，潮州人嘅佢愈忙愈享受，但付出嘅代價除咗係畀人眼紅、抨擊外，仲要忙到瘦！搞到招牌惹火身材大縮水，而佢一雙手臂同腿經已好幼，依家就瘦上加瘦！
話說小小So早幾日喺Event見到Chrissie，冇見一排，發現佢經過書展、動漫節同日本TGC Catwalk之後，上圍起碼縮水一Cup，手手腳腳都瘦晒，比起佢拍瘦身廣告時仲瘦，面都凹埋，真係我見猶憐。
小小So：乜你真係咁瘦呀？
Chrissie：差唔多，我自己都知，不過其實唔係瘦咗好多，我身形都冇乜點變過。
小小So：你要增肥呀！
Chrissie：我都會嘅，多謝關心。不過，我本身都食好多嘢！
Chrissie講完呢句就好黯然咁行開。
上鏡肥十磅大家未必睇得出，但若果你喺街上見到Chrissie，就會發現佢真係瘦得令人擔心，除非佢增肥成功啦！