片約不斷的張家輝，早前為王晶執導新戲《旺角監獄》到旺角鬧市開工，現場所見，下巴黐了羊咩鬚的家輝，與新人梁進龍及一名頭髮披面的男演員，在行人專用區遊街拍攝，期間兩位新人不停大聲呼喝家輝，但家輝卻不敢反駁。由於現場有近百途人圍觀，又有不少市民拿相機拍照，令拍攝進度受影響，要工作人員維持秩序。而有份參與演出的莫小奇，穿上魚網絲襪上陣，一身鳳姐打扮，拖實村姑Look的孟瑤在附近一條後巷狂奔，然後躲入一幢大廈。雖然二人來回跑了好幾次，但仍面不改容，難怪深得導演王晶愛錫！
另外， 家輝昨日以主禮嘉賓身份，出席海洋公園「海洋列車」的啟航儀式，他表示酬勞滿意，希望若干年後播放列車啟動片段時會見到自己的畫面。他透露以前曾與太太關詠荷到樂園拍拖：「睇番以前拍拖啲相都嚇咗一跳，又瘦又面青，成個姑爺仔咁！」他又透露早前女兒上學被狗仔隊偷拍，令他相當無奈：「希望佢哋有啲道義，刊登時會打番格仔。」