馮楚琪（Kameron）笑言自小已坐唔定，17歲時被星探賞識卻沒有理會，反而主動投寄相片到模特兒公司，全因為求小心謹慎，她說：「點知個星探係咪呃我㗎！」目前工作不斷的她，面對一眾性感o靚模圍攻，她毫無懼色，亦讚她們為求出位可超性感亮相，值得一讚，但卻語帶諷刺地說：「佢哋有佢哋犧牲，始終都有番得着，抵佢哋紅，咁野性！」她又坦言自己不是其中一員：「佢哋有佢哋路線，唔覺得話畀人搶飯碗，我個人安分守己，就算有野心不擇手段，但工作冇就係冇。總之我做人有底線，有自己方向同堅持，唔會跟風！最重要係做得開心，錢會繼續嚟！」

放大圖片	馮楚琪坦言當初入行得不到家人支持，故已諗定後路繼續進修。

學唱歌跳舞增值

談到自己目標？Kameron坦言有唱片公司向她招手，但認為還未是時候，正積極學唱歌，為日後演藝生涯作好準備，她說：「依家都有同音樂人合作，我想先學好唱歌同跳舞，有機會都想嘗試拍電影，想演一啲騎呢角色，因為覺得好有挑戰性。」她希望日後能做個全面發展的演藝人，兼顧幕前幕後工作！

家人反對入行

入行時，Kameron受到家人反對，認為模特兒事業朝不保夕，她說：「屋企人話會養懶人，會害死人喎！」為求加強保障及有安全感，她邊做模特兒，邊修讀Middlesex Union of London的Media & Cultural Study，她說：「做Model會見識多啲，如果發展唔理想，最壞打算我會做PR同Marketing工作！」

Profile

身高 ：163cm

體重 ：42kg

三圍 ：32、22.5、33

參演廣告 ：Clinique與富士相機等

模特兒公司：ISIS