模特兒莊思敏（Jacquelin）名副其實狗癡一名，她由細到大都養狗，現時家中養了12隻狗，當中最錫小魔怪及BB，因為牠們比較乖巧及易控制，而她亦經常帶同兩犬出席活動。
小魔怪是北京狗女，現年5歲，Jacquelin笑言小魔怪性格比較特別：「佢性格好古怪同孤僻，只係同人玩，唔鍾意同狗玩，我以前唔知，我買咗啲新狗返嚟，佢就唔食嘢同匿埋，以為佢病，睇醫生先知佢係情緒病同抑鬱。小魔怪要同其他狗分開住，唔可以喺同一空間相處。」
至於BB是狗仔，今年6歲，但品種至今依然是個謎，Jacquelin搞笑地說：「買嘅時候，狗舖同我講BB係芝娃娃，但好明顯我係畀人呃咗，連獸醫都唔肯定佢係咩品種，應該係混種。」BB很活躍又喜歡玩，有次牠撩小魔怪玩，最後兩犬自相殘殺，小魔怪右眼受傷，其後因細菌感染而要切除右眼，令Jacquelin十分心痛！