最近女星掀起一陣「泡泡熱」,泡泡連身裙、半截泡泡裙或泡泡褲等盡出。時裝設計師陳刀直言泡泡款式並不容易Carry,一不小心就會自暴其短!
A.Lin着錯鞋
「佢Carry到條裙,可惜對鞋唔應該撞粉紅色,除非加少少紅色飾物呼應番,咁就會再好啲。」
薛凱琪有風格
「佢着衫有自己風格,呢套泡泡連身褲雖然簡單,但佢醒目將頭髮紮起晒,夠Trend又可愛,佢着得好睇。」
胡琳唔夠「泡」
「胡琳有啲Baby Fat,着泡泡裙顯得仲肥咗,條裙又唔夠『泡』,令到佢對腳粗咗短咗。」
戴夢夢似師奶
「佢嘅着法係上年冬天Look,Out Out哋,外套唔單止似師奶,條泡泡褲顯得佢矮咗,寧願佢着泡泡短褲。」
謝安琪欠新意
「可能泡泡款式遮到下身臀部,我見佢近期不停着泡泡裙,其實深色泡泡裙係遮到佢短處,效果都可以,但欠新意。」
鍾舒漫夠野性
「呢條豹紋泡泡連身裙都幾襯佢,夠晒野性,而且佢身形都Carry到,如果再加啲飾物同襯短Boot,仲Perfect!」