前日因胃抽筋入院的謝天華太太（Tina），昨晨精神好轉，並在醫院接受本報訪問，其潛水教練區紹堅（Stephen）前來探望，並帶同前日考潛水牌的照片給Tina看。對於被指自殺，Tina說：「覺得好好笑、好嬲，入院係因為考潛水牌之前冇食嘢，之後飲咗檸檬茶，返屋企途中喺的士嘔，所以打畀天華落樓接我。我嘔到抽筋，佢即時打電話叫救護車。」
天華於昨日傍晚六時許離開醫院，強調與太太感情沒有問題，他接受電話訪問時，更表示對報道很不滿：「梗係嬲！佢哋喺冇證冇據下妄下判斷，根本唔係正確報道！」對於被指打老婆，他昨日接受查小欣訪問時說：「如果報道真係咁寫，會採取法律行動！」
