鍾欣桐（阿嬌）前晚身穿Deep V晚裝出席《心晴行動五周年慈善晚宴》，還自信地360度轉身讓記者拍照，問到是否真空上陣，她說：「應該係，費事露Bra。（好少咁性感？）我29歲，大個女喇！（唔怕走光？）我係膠紙人，仲買咗好多Body打底。」

拒回應方力申謊言

問到有冇遇過情緒問題，阿嬌說：「唔開心一定有，會搵家人同信得過嘅朋友傾。（最大問題係乜？）好多，遲啲出書話畀大家知，主題係『眼中世界』，以相為主，我知風景冇人有興趣，都會影吓自己。（好鍾意影相？）好鍾意，因為好多朋友周圍影，我覺得好Pro（專業）、好型，我都想試！」相集暫定沒有文字，問到是否怕寫錯字，她笑說：「『嬌』字唔會寫錯。」對於方力申承認曾為保護戀情而講大話，阿嬌說：「呢個問題好無聊，一句『不回應』咪得囉！（有冇為戀情講大話？）唔回應。」

鍾舒漫自言不知上衣如此透視，認真大懵！

周麗淇認為若情緒欠佳，最好外出旅遊散心。

出席晚宴的還有林建明、周麗淇、譚詠麟與鍾舒漫等，由林建明、鄭裕玲與顧紀筠等組成的「至八會」繪畫的「八美圖」，最終籌得108萬元。