有指謝婷婷被發現曾在拉斯維加斯的結婚註冊證明，而前晚婷婷出席運動品牌派對時向記者發誓並無此事，也不會霎時衝動結婚，問她是否怕像哥哥霆鋒和栢芝秘密結婚而令媽咪不悅？她口快快說：「冇話唔敢……但我仲未到30歲，唔急於結婚。（安志杰係你理想對象？）So Far 100分！（你婚後會唔會退出娛樂圈？）我唔係傳統女人，覺得唔應該男人搵晒錢，但生BB就會考慮唔做。其實我肯定自己會結婚，但就唔知會唔會生BB，因為覺得責任大！」此外，她表示現正物色合適的經理人，而合約內容都會徵求父母意見。
此外，諸葛梓岐剛從日本行騷回港，她表示獲時裝大師山本耀司賞識，感到開心，正打算學好日文，向攻日作好準備：「我諗住仲請埋私人教師，一對一教！（搵椋名凜學？）佢好忙！（Angelababy係競爭對手？）大家路線不同，佢好Cute好可愛，我就Grand（高貴）同Elegant（優雅）囉！」她坦言不擔心因攻日而與男友薛嘉麟感情轉淡。