講金句多過食飯的黎明（Leon），日前才以「虛偽論」避談與樂基兒已婚一事，他昨日到會展出席《．9．9．9「無毒一生」支持日》時，事先張揚不接受傳媒訪問，更不讓記者埋身，全程避開所有傳媒，不過他卻不失金句王本色，在台上大發校園驗毒偉論，聽到在場記者不知所云。

曾被誘吸毒

身為活動發起人之一的黎明，在另一發起人曾志偉缺席下，肩負起宣傳責任，接受台下學生的提問。談起當年負笈英國讀書，原來他曾試過被大麻引誘：「我自己喺一個破碎家庭成長，喺英國讀書時，有同學畀支大麻叫我試，但爹哋畀錢我去讀書，心諗將來搵到錢自己買，到大個先知咁諗係唔啱，其實每個人都有自己嘅選擇，可以選擇自己做啲乜人。」

令全場「O嘴」

黎明愈講愈興奮，更滔滔不絕發表權威式金句：「年輕人唔好諗可以控制藥物，K仔（氯胺酮）係強烈麻醉藥，係用嚟麻醉大笨象，唔係人食嘅，試諗吓人食狗糧會點？」金句一出，令全場「O嘴」。

當有學生問到校園驗毒計劃會否影響好學生？黎明也很「玄」地答：「我相信好嘅學生有機會畀曳嘅學生影響，同樣地曳嘅學生亦會被好嘅學生影響，令佢哋更好，相信可以將所有學生變好（指驗毒計劃）。」他又說：「Leon會親身去做校訪，同學生討論不同意見，要上下一心，屋企有問題嘅小朋友唔應該將責任淨係放喺屋企。」此外，同場的任達華表示不擔心女兒被帶壞，笑言自己是一個好父母。