小時曾患哮喘的諾懿，每次拍落水戲都分外吃力，最難忘拍攝劇集《隨時候命》的水底拯救戲：「我有900度近視，所以拍潛水戲唔可以戴隱形眼鏡，仲要冇戴潛水鏡咁擘大眼，真係好澀眼！加上我細個有哮喘，肺容量唔夠，每拍20秒就要上水抖氣！」另一場令諾懿記憶猶新的落水戲，就是拍攝《溏心風暴之家好月圓》的游水戲，由於當時氣溫只得10度，凍到連講對白都口震震：「嗰場戲講我同徐子珊夏天游水，不過拍嘅時候係冬天，凍到邊講對白邊口震，差啲凍病！」

黎諾懿（左）與司徒瑞祈曾合作《隨時候命》，最難忘拍落水戲。	黎諾懿赤膊與徐子珊在泳池邊拍戲，有苦自知！	黎諾懿努力工作，希望得到觀眾認同。

頂硬上博認同

雖然拍劇十分辛苦，但諾懿仍頂硬上，皆因他認為凡事都要付出：「世上點會有不勞而獲！初入行係想改善屋企人嘅生活，做做吓就希望得到觀眾認同，所以無論每次拍攝有幾辛苦，我都會努力踏實去做，相信會有人欣賞！」