楊穎（Angelababy）、周秀娜（Chrissie）和諸葛梓岐（Marie）三位o靚模由香港鬥到日本，日前更一同踏足日本天橋，不過「地頭蟲」椋名凜對Chrissie印象似乎麻麻，堅拒評論她，反而大讚Baby與Marie有潛質。
昨日椋名凜、「翻版徐子淇」鍾浠文和蔡瑩瑩（Ivy）一同出席Zensation活動，椋名凜透露剛從日本返港：「我冇去睇個Show，不過有參加之後嘅Party。（覺得佢哋三個點？）Baby好Cute，Marie就係我朋友，加上佢係諸葛亮後人，日本人比較鍾意，下年我去日本做嘢，都會介紹工作畀佢。」至於周秀娜？她欲言又止地說：「佢都夠高，不過學好啲日文先啦！」同場的鍾浠文則表示很滿意自己身材，無意加工。