日前記者發現周秀娜（Chrissie）與髮型師男友Avis現身香港機場，偕男友闖日，力戰死敵楊穎（Angelababy）和諸葛梓岐（Marie）！連日來舉行的《Tokyo Girls Collection A/W》（TGC）時裝騷中，三人各出奇謀搶鏡，戰況激烈，難分勝負！

前晚Chrissie趁《TGC》大戰尾聲，抽出兩小時與Avis夜遊東京！穿上緊身衫襯牛仔褲的她，腳踏人字拖並架起黑超，與男友到原宿和表參道閒逛，期間兩人到街邊檔買小食醫肚，未知Chrissie是否為保身材苗條，她吃得不多，並飲樽裝水解渴。接着二人再到潮店，見Chrissie睇中一對Ankle Boots，即脫下人字拖試鞋，更極速扑錘，由男友畀錢！昨日Chrissie獨自往買內衣，沒有男友傍實的她，卻穿上男友所送的新鞋。

事後，Chrissie向記者承認與男友夜遊東京，更一臉甜絲絲地說：「今次男友特登嚟支持我，除咗嚟睇騷，見我有時間就陪我行街減壓，順便拍拖，有時間梗係想二人世界！」問到新鞋是否男友所送，她說：「係呀！當獎勵我辛苦工作！」

Chrissie與男友在潮店看中一對Ankle Boots，立即試穿。

Chrissie穿上男友所送的新鞋，獨自揀內衣。

請知夏子教日語

此外，有指Chrissie與渡邊知夏子在《TGC》後台互教廣東話和日語，不過渡邊知夏子對報道表示奇怪，更否認此事：「我哋從來冇互相教語言，不過如果對方要求，都樂意教佢，亦都會向佢請教廣東話。」而Chrissie亦澄清：「其實大家為同一個牌子行騷，喺後台見面，係我講笑咁叫佢教日文！」Chrissie更希望大家不要誤會。