近日有多位天王天后被揭發秘密結婚，李珊珊及陳淑蘭則力撐他們，珊珊更暗示正在蜜運中。她們昨日與鄧上文及王君馨一同以最上鏡代言人身份出席Covermark活動，問到珊珊可有拍拖？她即耍太極說：「隨緣啦！（依家唔認會畀人鬧㗎喎？）咁要鬧吓我喇！（即係拍緊拖？）其實我覺得黎明講得好啱，藝人唔一定要公開私生活，好似我咁，除非大家感情已經好穩定同結婚啦！」
蘭子則說：「藝人結婚都唔一定要公開啫！講咗又畀人問幾時離婚？同異性出街又畀人亂寫，而且好似成龍所講，有啲Fans知道偶像結婚會心碎做傻事，所以唔講就冇麻煩！」對於黎明被爆已婚，問到曾被指暗戀對方的蘭子有否心碎？她笑說：「唔會，我覺得佢同樂基兒好襯！」她又強調他日結婚亦不會公開。此外，初為人母的姚嘉妮尚未收身，她表示因抱重15磅的囡囡而練得強勁臂彎：「依家啲男人唔好行埋嚟，我一拳可打死佢！」