鍾嘉欣昨日出席記者會，對於緋聞男友林峯被「出貓港姐」鍾溥敏（Mandy）用粗口諧音形容，她愕然地說：「佢（林峯）一啲都唔蠢，好叻。（好欣賞佢？）我把口講乜都似欣賞，不過覺得講粗口唔好，點解唔講有禮貌嘅說話？」
另外，落選港姐鄭寶源及曾曦寧昨日為J2節目《My Name Is邦》擔任嘉賓，提到Mandy在Facebook上以粗口諧音形容林峯，鄭寶源為Mandy解釋：「平時佢好正常，我都有佢Facebook，有見到，佢都係發表情感啫！（你覺得林峯點？）佢係我偶像，可能Mandy話林峯似佢啫！因為Mandy選美時係7號。（咁難兜都兜到？）都幾辛苦。」而是非不絕的曾曦寧，則指Mandy為人隨和，不相信她會這樣說：「冇親眼睇到。（有報道話你鬧記者？）我唔會喺人哋面前鬧。（背後鬧呀？）冇咁嘅事。」
