有「女版許愿」之稱的林潔瑜，將頭髮剪短後，更似許愿！對於瑜瑜的蛻變，連許愿都要講句：「可能係我私生女！」他坦言有意訓練瑜瑜為司儀人才，不過就不敢與陳百祥和無綫爭人。
許愿昨日透過電話表示，沒有看過當晚港姐比賽，只是在報章雜誌看到瑜瑜的照片，所以認識有限，但得聞她口才好，有意訓練她做司儀，他笑說：「瑜瑜咁紅咪恭喜佢囉！似我唔係好事，我會覺得佢係一個靚版許愿，連我身邊朋友都同我講話佢似我，問我係咪多咗個妹，梗係冇可能啦！我阿爸喺我12歲時過咗身，要估都估係我個私生女啦！不過，佢都25歲，我40歲多啲啫，都生佢唔出！」