06/09/2009

播放本新聞相關短片

楊怡撐林峯十全十美

本文重點
林峯被落選港姐鍾溥敏留言侮辱,楊怡為他抱不平,撐他十全十美!

林峯前晚與楊怡在中環碼頭為新劇《談情說案》拍攝分手戲,對於落選港姐鍾溥敏在Facebook以粗口諧音形容他,林峯笑言只是小事:「我冇Facebook,亦冇留意呢單嘢。(覺唔覺得個字眼好侮辱?)做得藝人預咗,呢啲係小事啫!唔當係咩一回事!」

如願被仔飛

被林峯「狠撇」的楊怡,不忘以爛Gag力撐他:「我覺得選得港姐就應該有教養,字眼方面要檢點啲,不過我見阿峯冇乜唔開心,相信佢冇受影響。我冇Facebook咋!如果唔係會上去留言『ho 10』,即係話阿峯十全十美!」

楊怡還表示為劇情喊到喉嚨乾,她說:「我吸晒啲海風,依家喉嚨好鹹,同阿峯好耐冇演情侶,雖然要畀佢飛,但我都情願做畀人飛嗰個。我現實中冇乜被飛經驗,因為冇乜戀愛經歷,哈哈!」

文:影視組