昨日，周迅以Tube-top上陣外披黑色外套示人，露出小蠻腰，與大家分享時裝及工作心得，但問到戀情即封嘴：「我鍾意自己揀衫，準則係舒服好睇，平時好少買，多數借衫或者着贊助，自己買就會買襟着襟興，要着夠二、三十年至心足！」她表示今年拍了《風聲》、《蘇乞兒》及《孔子》三套電影，其中《風》片最辛苦，較多虐打戲，令她壓力甚大：「有次拍完戲服有血漬，嚇到我周圍搵傷口，後來發現係道具血漿！（寄情工作？）係一早安排好！（留意天王結婚新聞？）有，戥佢哋高興！」當記者進一步追問房祖名為她做媒一事，公關已急急把周迅帶走。

鄭元暢（左）睇騷期間偷聽張雨綺及余文樂談心。

張雨綺大讚余文樂是好男仔，卻否認與對方拍拖。

余文樂張雨綺否認拍拖

另外，鄭元暢獲大批Fans捧場，他說：「我聽日出首張個人EP，主打MV同林志玲合作！（有親熱戲？）大家留意啦！我知道張艾嘉想將我哋合作過嘅舞台劇《華麗上班族》拍電影版，我好想再同張姐合作。」而張雨綺則大讚余文樂是好男仔，但否認拍拖：「電影《荒村公寓》中我哋係一對，現實中各有各忙！（拍拖會公開？）睇情況！」

而余文樂則說：「咁搞笑？佢好男仔頭，傳我哋拍拖冇可能！（有冇秘密結婚？）哈哈！梗冇啦！我邊有咁好福分。」四位嘉賓完成開香檳儀式後，在旗艦店中欣賞時裝騷，i.t老闆沈嘉偉亦有低調到場。