自瞞婚大話連環被踢爆後，劉德華至今一直被傳媒追訪，更連累昔日與他關係密切的潘宏彬！98年已退出娛樂圈、任職地產經紀的潘宏彬連日來為避見傳媒，刻意到晚上才返公司。前晚約九時，潘宏彬現身跑馬地一間地產舖，記者即上前採訪，他即以不方便為由，急急返回公司。未幾，他與一名女子到附近一間日本料理店晚膳，問到有否留意華仔近日的新聞，潘宏彬說：「冇！（點解冇聯絡？真係絕交？）呢啲舊聞嚟o架喎！仲問嚟做咩？要講嘅28年前講晒！（話你同朱麗倩冇偈傾？）唔知喎！」當追問與華仔當年的親密關係傳聞時，他說：「呢樣真係幫唔到你！」直至晚上10時半後，他獨自駕車離開。
至於華仔舊愛喻可欣昨晚與母親由台灣出發到重慶，探望生病的父親，並會在當地居住一段日子。喻母表示女兒將拿出所有與華仔的定情信物作義賣，繼早前捐出五個毛公仔後，前日又將喻可欣25年前經常用來沖玫瑰花茶給華仔的兩隻陶瓷杯放上網拍賣，所得款項將作慈善用途。