新婚的楊千嬅前晚以「護苗大使」身份出席《護苗基金十周年誌慶》，特別前來支持創辦人蕭芳芳，並透露芳芳姐也恭喜她結婚。問到丁子高出價99萬作禮金及齊齊搬愛巢的傳聞，千嬅說：「擺埋酒先會一齊住，唔應該用錢嚟量度我！月底會接拍愛情喜劇，但唔會特別要求減少親熱戲，因為我係一個演員！依家太多工作，未計劃生育。（點睇華仔風波？）我唔可以評論其他人，但可以講結婚係開心事，我會祝福佢哋。」芳芳姐笑言要沾千嬅的喜氣，但得知黎明與劉德華已婚時直言感到驚訝。
另外，盧巧音出動另一活動時為華仔拆彈：「藝人都係人，冇必要將私事放喺工作上，結婚咪結婚，希望大家唔好再話佢講大話。」
