八模兵團之一的盧頌之（DaDa）與陳嘉寶（Anjaylia）前晚出席Reebok活動，見到師姐周秀娜到日本行騷，DaDa亦心郁郁，並透露有意到日本發展，她說﹕「我開始學唱歌、跳舞同日文，可能過日本發展，試吓唔同類型嘅工作。」提到不少o靚模於暑假過後便被淘汰，DaDa直言不怕，又自言非o靚模。
另一邊廂，A.Lin前晚出席音樂劇首映，問到可會擔心被淘汰？她表示工作量的確有減少，但未受影響，又指行性感非長線，一定要增值自己。同場的Lavina則說：「行性感本身冇問題，呢個只係過程啫！我最想做司儀，因為我最鍾意講嘢！」
