雖然《仙》嘅歌舞劇版本仲有一段時間先公映，但處女擔正嘅宇詩就好鬼緊張！近日小小So喺化妝間見到佢，都係見佢攞住本歌書畀心機咁練歌。其實小小So都有睇過電影版，入面嘅英文歌《DoReMi》可謂深入民心，所以宇詩擔心將英文歌詞翻譯成中文嘅話，觀眾會聽唔慣，所以要畀心機唱好佢：「雖然好期待同好榮幸參與呢套歌舞劇，但始終未試過喺大型演出下唱歌，所以要練好啲，但有一定壓力。」

小小So見佢咁認真，於是打探吓究竟點練歌，佢話平時都有跑開步練開氣：「唱歌方面就搵老師教我，好彩唔使成日跳舞，演戲我都試過，所以講對白嗰啲都唔驚！」