候選亞姐昨日會見傳媒，包括三位來自美加的海外佳麗，大會同時公布邀得著名時裝設計師何國鉦擔任大會形象總監，並由他親自邀請羅麗莎、Ana R.、陳煒及榮雪梅等擔任形象顧問團成員。以超低胸裝示人的煒哥否認刻意搶鏡：「佢哋個個都好Deep V同好肉地過我，之前喺台灣肥咗好多，返嚟減肥瘦咗十幾磅，連個Cup都細咗！今日要挺起身材做人，佢哋咁青春，有個得16歲，我都生得佢出！」

身材高挑的王希瑤成為大熱門。	身材出眾的林紫君，直言不習慣穿低胸裝。	三位海外佳麗初次會見本港傳媒，但質素一般。

林紫君唔慣露

至於榮雪梅雖然是(3)莫曉菲的提名人，但她對雙重身份並不感尷尬亦不會刻意避嫌。她又大讚莫曉菲因參選而變成熟，但莫曉菲卻因榮雪梅在場而特別緊張。另外，「翻版關之琳」（7）仝曉燕因病缺席，間接令(5)林紫君登上「峰」神榜：「外國個個都係咁，我唔覺得自己優勝，不過我唔慣着低胸衫，因為平時都係着Tee多！」