本年度書展中兩大賣書天后Angelababy及周秀娜（Chrissie），加上諸葛梓岐（Marie），今日在日本舉行的《Tokyo Girls Collection 09 A/W（TGC）》時裝騷行騷，大會更邀得星野亞希任特別嘉賓。三人騷前施展渾身解數大鬥法，Marie在王友良穿針引線下，會見日本美容界殿堂人物HIROSHI TAKAMI，他開設美容院及產品外，更是中田英壽和濱崎步好友！王友良說：「佢對Marie印象最深，讚佢高貴優雅、皮膚好，仲話睇吓有冇機會合作。」

諸葛梓岐密會日本美容界殿堂人物HIROSHI TAKAMI。	周秀娜的寫真集大賣，人氣急升！ 資料圖片	放大圖片

而Chrissie則於昨日出發到日本，她不怕電車男Fans呷醋，更帶同髮型師男友Avis前往，二人戴上情侶黑超現身機場，負責推行李的Avis一見記者即怕醜彈開。反而Chrissie十分風騷，問可有時間拍拖？她說：「我估冇喇！佢今次做我髮型師，不過TGC個騷有大會髮型師，佢係負責同我打氣，哈哈！（同Baby鬥到日本喎？）冇話鬥，大家可以一齊代表香港行騷，已經好開心。」

Baby搶先曝光

最早開拓日本巿場的Baby最有優勢，除在TGC時裝騷示範五個品牌靚衫外，日前更一早出發到日本，前晚還被邀請與Leah Dizon及MEGUMI等女星出席洋酒活動，搶先曝光。