前晚任賢齊、古天樂及葉璇等現身機場，出發往威尼斯參加影展，小齊表示連日趕拍新片《火龍》，嚴重缺乏休息時間，所以感到暈陀陀！對於好友華仔被指是「大話天王」，小齊說：「佢係我朋友，唔方便回應。我冇打畀佢，呢個時候唔知講乜，我連黎明都冇問呀！」記者打蛇隨棍上，追問他與女友Tina的關係，他即以「頭暈」為由，叫記者「口下留情」，並說：「唔講喇！總之我哋同已經簽字冇咩分別！（結咗婚？）下次先答你，唔好問啦！」