盛傳不和多年的無綫五虎梁朝偉及劉德華，由電視鬥到影壇甚至樂壇，關係一直未見友好，對於華仔被指是「大話天王」，「偉嫂」劉嘉玲為老公對他「明讚暗踩」，但偉仔反而已釋懷，昨日更力撐他！

嘉玲前晚出席Marc Jacobs活動時表示，世界有很多紛擾，加上網絡發達，很多事難辨真假，所以有些大話可以是美麗謊言，而美麗謊言可以接受：「佢哋背後可能有好多無奈同壓力！只要唔係踩到人就得啦！」對於與偉仔一直公開關係，嘉玲語帶雙關地說：「我好坦然，可能係自己嘅性格關係，都幾慶幸偉仔唔係偶像派，真係好好彩！」

華仔「收埋」朱麗倩24年，直至被踢爆已婚才承認關係。 資料圖片	偉仔大方支持昔日「死敵」劉德華，認為任何人也有權將私事保密。	風光出閣的嘉玲，風騷表示慶幸偉仔並非偶像派，更自誇「好彩」！

偉仔：冇人係完美

不過，偉仔昨日在北京出席《卡地亞珍寶藝術展》時，卻對昔日「死敵」給予支持，他說：「其實無論藝人又好，任何人都有權唔願意將自己嘅私人事公開，冇話啱定錯！冇人係完美，每個人都有兩面，其實佢啲Fans都唔係小朋友，會明白佢哋嘅偶像最後都會結婚，有自己嘅家庭！」另外，熱愛藝術的他，自爆曾遇到不快事：「好多年前喺佳士得拍賣行買咗一座皇室佛像雕塑，原本好開心，但過咗兩日，有個好似『中國FBI』嘅人搵我，話呢座雕塑係中國文物，要收番，仲記低我嘅姓名同資料。我用錢買，唔明點解當我賊咁，好荒謬！（佢哋事後有冇畀番錢？）有，但好耐之後先畀。」

至於華仔昨日照常開工，下午12時半，他乘坐7人車從寓所出發，駛至九龍城時，平日用來接載朱麗倩的7人車突然出現阻擋採訪車，混亂間更與一輛採訪車發生輕微碰撞，幸沒有人受傷。抵達經理人公司時，華仔兩眼發腫，一臉憔悴，全程不發一言，他身上的恤衫印有其出生年月日的條碼，而牛仔褲的第3粒鈕未扣好，相信是心神恍惚所致。下午4時半，他在助手陪同下乘車返回加多利山寓所。至於華仔父母昨晨如常外出飲茶，未有回答有關疑似孫女的提問。