陳偉霆（William）、詩雅、林司敏（Ciwi）及組合Square成員何尚謙（James）四個大細路，在新片《愛出貓》中與頑皮鬼小肥、鄧紫棋（G.E.M.）及李蘊等結緣，自然擦出不少火花。他們笑言不用埋位時，經常玩至瘋狂狀態，當中以李蘊的表現最出人意表，William說：「佢真係好瘋狂㗎！有次開工，現場有成百幾個臨時演員，咁李蘊玩Killer輸咗，我哋就罰佢喺Roll機之後，企喺身向在場嘅男工作人員大叫『我愛你』，點知佢真係照做，好搞笑！」見William如此自得其樂，詩雅即踢爆他就是大懲罰的幕後黑手！

James與Ciwi經常在片場互相整蠱。	老友鬼鬼的陳偉霆及詩雅，首次合作拍戲已甚有默契。	William（左起）、G.E.M.及詩雅（右一）等一班青春偶像合作無間。

Ciwi感受會考氣氛

除了李蘊，小肥亦是眾人的歡樂泉源，皆因他夠「賴皮」，詩雅說：「小肥次次玩之前，都會周圍打聽懲罰係乜，如果發現太過分嘅，佢會縮沙。」愈說愈興奮的詩雅，還笑指James與小肥不遑多讓：「有次明明佢要喺一大班人面前，問一個唔識嘅女仔攞電話號碼，點知佢不了了之囉！」雖然詩雅言之鑿鑿，但James卻仍自辯：「我想等齊人先攞嘛！但我哋又一直唔齊人喎！咪冇機會問囉！」

此外，本身是應屆會考生的Ciwi透露，因拍戲時還未正式會考，故《愛》片可說是她的模擬會考：「因為套戲成日有會考場口，所以我未正式會考前已經感受到嗰種緊張氣氛，我有時考考吓都諗，如果真係有戲入面嘅出貓工具幫手就好喇！」

文：專案組

攝：沈健程