有「翻版林熙蕾」之稱的華姐苟芸慧，雖然擁有一張上鏡的臉孔，不過原來她本來不打算闖娛樂圈，即使選美都只是一償父母的心願，結果順利勇摘后冠，順勢加入娛樂圈：「由參選到入行都係父母鼓勵，可能佢哋嘅人生好無聊，希望我嘅生活可以多姿多采，所以好支持我加入娛樂圈！」

事實上，這個孝順女對娛樂圈興趣不大，起初不想試，但想到這個機會不是人人可得，最終還是一腳踩入「大染缸」，問到怕不怕學壞？她笑說：「唔怕！喺屋企都係由我照顧細佬妹，我好成熟，唔會咁易受影響！」

苟芸慧為圓父母心願，才返港參加選美。	自小在多倫多長大的苟芸慧，希望在港發展事業。	苟芸慧樣子甜美，加上身材不俗，大有機會出位。

不介意敗給法拉

另外，苟芸慧本來有機會做「Laughing嫂」，最後因廣東話不及陳法拉好而落敗，但她未有介懷，只希望將來可試不同角色：「我最想演浪漫喜劇，因為我鍾意見到人笑，我好鍾意周星馳o架！」對於被封「翻版林熙蕾」，苟芸慧感到開心：「林熙蕾咁靚女，我梗係開心！我唔怕活在別人影子下，因為我有自己獨特之處，依家最重要係學習！」