昨日徐淑敏（Suki）出席太古城中心的《美食薈萃》之旅，曾與她傳出緋聞的崔建邦則擔任司儀。現場所見，Suki身形略為發福，腹部亦微微隆起，她在台上說：「我以前都好鍾意食煎炸嘢，依家就會揀吓。」Suki在現場亦未有進食三文魚及海膽等生冷食物，種種迹象顯示與孕婦的飲食習慣極似。

Suki與崔建邦同場，兩人並不尷尬。

即將下嫁黃浩的Suki笑言，終於等到結婚。

爆崔建邦冇祝福

問到是否懷孕？Suki模稜兩可地說：「到時有咗咪知囉！我唔排除會有小朋友。（依家講大話，外間會好大反應？）相信我有嘅時候大家會祝福！（上次話冇？）冇驗過唔知。」問到是否有身孕才不吃煎炸及生冷食物？她表示未有為意，亦指記者太敏感，但她亦說：「都會好好準備身體，爸爸媽媽都鍾意一家熱鬧啲。」

至於跟前緋聞男友崔建邦同場，Suki坦言沒有尷尬，問到對方有否祝福她？她說：「咁又冇喎！」