李珊珊、林嘉欣與古巨基等昨日出席道路安全活動，對於再被拍得與緋聞男友馬漢華約會，珊珊無奈地指報道字眼刻薄，有人身攻擊成分，還力撐馬漢華與舊愛錢嘉樂都是好人，不希望他們被拖落水。

古巨基喜歡小朋友，但不急於成家立室。

林嘉欣與小朋友一同宣揚道路安全訊息。

與嘉樂分手多時的珊珊，言語間仍處處維護他，還表示不滿雜誌貶低他，抹殺他一直付出的努力。珊珊大讚嘉樂現時事業發展不俗，更硬銷其新作《火龍》，問到目前關係如何，她說：「係朋友。（驚人哋女友唔開心？）個個人都唔開心，我阿爸、阿媽睇到都唔高興。（你哋呢排回應時講到好曖昧？）我從來冇講任何嘢。（做咩唔喺番埋一齊？）相對嘅，問個天啦！（嘉樂年紀大，應該成家立室？）佢同城城同年，所以唔使驚。」

基仔靠的士代步

同場的嘉欣剛榮升影后，心情大靚，她笑言尚未收到老闆王海峰的禮物，希望他折現。至於基仔則表示經相士提點後，近兩年多以的士代步，問到為何不叫緋聞女友兼助手Lorraine做「柴可夫」，他抵死地說：「佢學車都瞓着覺，點敢揸呢！」