熱爆網站ontv除了娛樂新聞夠強夠快外，還有獨家追蹤勁料及偶像紅星專訪，難怪點擊率高企。歌影視三棲的青春玉女李蘊，日前應邀接受《娛樂on Show》訪問，與主持人陳振安和俞詠文談得相當開心。李蘊有份參演的電影《愛出貓》剛上映，由於內容圍繞「出貓」，問到有否試過？李蘊說：「冇呀！我其實想試，不過又怕老師望住，好似做咗虧心事咁，又驚又怯，所以最後冇試，亦希望大家唔好試。」

放大圖片	李蘊與主持人陳振安和俞詠文（右）玩作一團，十分啱Key。

十八歲一切不變

除了《愛》片外，李蘊原來亦曾參與由影帝鄭伊健及余文樂合演的《第一誡》，她說：「我同伊健多對手戲，同阿樂就少啲，因為套戲係驚慄片，拍攝現場氣氛好嚴肅，但伊健好好人，叫我拍嗰陣唔使太緊張。」至於在《愛》片中，有否被導演責罵？李蘊說：「冇呀！佢同我哋一齊玩，又對我哋好好，好照顧我哋。」

由於李蘊剛踏入十八歲，正式告別兒童階段，談及形象會否來個大轉變？她笑說：「呢啲要慢慢嚟，雖然已經十八歲，但唔可以一下子變得太過成熟。」想知道李蘊在組合Cream年代的趣事？要知道李蘊與圈中誰最老友？就不能錯過《娛樂on Show》李蘊專訪。