樂基兒（Gaile）承認已婚後，似乎多得黎太這個身份帶旺，模特兒公司負責人直言Gaile的工作早已排到11月：「Gaile嘅工作冇乜轉變，一早排到11月，一向都多人搵佢做嘢。（有冇工作流失？）反而有啲客怕度唔佢期，所以一Check到佢有期就會即刻落實。」而今日Gaile將出席腕錶活動，密密搵銀，而黎明則繼續為新片《火龍》趕戲，對婚事仍隻字不提。
一眾Gaile的模特兒朋友亦送上祝福，Amanda S.表示她結婚早有迹可尋：「佢嗰時又搬新屋，又買新車，整件事都好Make Sense！我同其他人都討論過，黎明一定有做咗啲嘢！（有冇問過佢？）我唔會問，我怕人哋覺得我八卦！總之我見到Gaile，一定親自恭喜佢。」至於Rosemary和Jocelyn對Gaile承認結婚，異口同聲表示戥她高興，Rosemary自言若將來結婚一定會公開，但現時沒有男友。
