童愛玲：唔好再逼華仔啦！結婚係開心事。覺得佢好可憐，佢都娶咗人啦！作為傳統女人，只要另一半好，可以為家庭犧牲，我唔拍戲因為要照顧屋企，不過如果我個仔將來瞞住我結婚，我都接受唔到。（生仔秘方？）醫生叫我同老公勤力啲。

鍾欣桐：可能係歌迷對佢期望太高，佢都應該結婚生仔。（話佢係大話天王？）個個歌迷都想嫁畀佢，上次有女歌迷（楊麗娟）嚟咗香港都有事，可能華仔唔想再有事發生。

藍奕邦：結婚公唔公開係佢自由，私隱係個人權利，關公眾咩事？睇到佢為公眾嘅八卦私欲，竟然要公開道歉，戥佢難過，我想送我首新歌《向前走》鼓勵佢，再痛也要向前走。

余安安：做藝人好慘，將私隱暴露出嚟，又冇傷害任何人，Fans要體諒佢嘅苦衷，佢唔公開係為咗保護女方，依家交代番OK。

蔡卓妍：畀啲空間華仔啦！見到佢個樣，感受到佢唔開心，就算好忙，佢一見到人都精神晒，證明件事好困擾佢。

王晶：我覺得件事對華仔一啲影響都冇。（你開套愛情電影？）係有計劃開，仲寫緊劇本，寫好先傾演員。（搵劉德華？）佢有檔期咩？如果佢肯，我不知幾開心。其實個個都知佢同邊個一齊，感情係兩個人嘅事，冇必要公審，（擔心影響《未來警察》票房？）套戲一定大賣！

查小欣與台灣DJ王介安：喻可欣公開定情信物，到底有冇人買？咁做好奇怪，如果為慈善就直接捐錢！