最近不少大胸o靚模趁機上位,上圍僅32B的龔嘉欣認為身材不是講潮流,不是大就代表好,反而嫌自己不夠高,希望趁發育能增高2吋!
年僅19歲的龔嘉欣(Katy),身高只有5呎4吋,未達模特兒的標準身高,被外界視為o靚模一族,令她不知是好是壞:「呢個名都唔知係褒定係貶?自從簽咗畀無綫後,我已減少做模特兒嘅工作,不過就多咗機會拍劇同主持《東張西望》,收入比以前多咗3倍,我會用『好好』嚟形容目前狀況!」
不過,最近有不少大胸o靚模殺入市場,問到可有羨慕?Katy笑說:「我都識周秀娜,同佢合作拍戲都忍唔住讚佢好正,但唔代表人人要擁有!唔係大就叫好,身材唔係講潮流,最緊要自己滿意,平均就OK!」她沒有刻意豐胸,反而希望能增高兩吋,她解釋:「我覺得自己唔夠高,依家努力學拉丁舞同西方民族舞,希望趁發育期仲可以高多一、兩吋啦!」
男仔頭冇人追
曾與關楚耀傳緋聞的Katy表示,已有年多沒有拍拖,現時以工作為先:「入行之後都冇拍過拖,自己唔急,反而擔心拍拖會影響工作!(有冇人追?)冇呀!我性格男仔頭,可能啲男仔嫌我唔夠斯文,所以冇人追!」
關Jill戀
龔嘉欣於06年擔任有線世界盃「世界妹」,後被無綫監製睇中拍《四葉草3》(下圖左),雖然演出經驗不算多,但與關楚耀(Kelvin)的緋聞令人印象深刻!當時有傳她介入Kelvin與衞詩(Jill)的戀情,Kelvin早前涉毒案,Katy更暗示有人教壞他!
Profile
姓 名:龔嘉欣(Katy)
生 日:1989年12月5日
三 圍:32B、24、33
身 高:5呎4吋
嗜 好:跳舞及唱歌
入行經過:經朋友介紹做模特兒,後來入無綫拍劇。
電 影:《保持愛你》、《金錢帝國》及《玩大咗》


