尹蓁晞（Yumi）最近被指周旋兩男之間，仲無端端牽涉入援交同自殺傳聞，認真慘情！Yumi搞到咁大件事，小小So八到身為佢老闆嘅林建名，唔止冇動氣，反而仲以非常好奇嘅心態去八吓呢件事嘅最新進展！小小So聽聞林建名問過喺公園同Yumi親熱嘅鬍鬚男係邊位？當佢知道對方係髮型師，兼睇過張相之後，竟發揮搞笑本色話：「吓？Yumi咁後生靚女，原來連冇頭髮嘅都鍾意呀？」
此話一出，聽到個個都哈哈大笑！除咗讚老闆夠風趣幽默之外，大家都放下心頭大石，起碼老闆都態度開明，明白Yumi係後生女，初入行仲未識得身為公眾人物要言行檢點，知道要時間慢慢教，公司仝人自然鬆一口氣！