周秀娜（Chrissie）、趙碩之、陳偉霆、小肥、周柏豪與冼色麗等，前晚拍攝邱禮濤執導新片《死神傻了》，碩之曾狠批Chrissie寫真集教壞人，故兩女合照時面左左！對於被公司雪藏，碩之說：「公司模棱兩可，我冇聽林建名講過，暫時工作係學嘢，之前報讀好多Course。我講嘢亂七八糟，好想學周秀娜談吐。（同周秀娜或Yumi道歉？）成件事係誤會誇大。（Yumi畀你攻擊到想自殺！）唔係，你唔信我，都信Yumi為人，佢切菜切親啫！」
對於碩之指要向她學談吐，Chrissie笑說：「我唔識講嘢，冇資格教人，但樂意做聆聽者。（合照做乜窒步？）重心唔穩，唔係尷尬！（話完你，佢今日又谷胸？）戲服需要啫！（碩之衰多口被雪？）係咩？」
而戴夢夢偕師妹Melody昨日出席奧海城的台灣賑災活動，夢夢表示已聯絡碩之及Yumi，覺得碩之平時「懵吓懵吓」，詞不達意，提議她報讀語言課程。而Melody覺得是非源於「講者冇心，聽者有意」。