本文重點
外表女性化的官恩娜,原來小時候是男仔頭一名,常與哥哥玩槍戰遊戲,更曾為爭玩具而大打出手,認真人不可以貌相!
生於大溪地的官恩娜(Ella),出世不久因心漏症而入院治療,小時候與年長1歲的哥哥感情要好,但也有打交的時候,Ella說:「我有一個阿哥,一個細我8年嘅妹妹,細個同阿哥成日玩氣槍同角色扮演遊戲,所以性格好男仔頭!有時爭玩具仲會爭到打交,發育前我打贏,不過發育後就阿哥贏!」
跟妹妹感情要好
Ella於十多歲時遠赴英國升學,雖然跟兄妹天各一方,但三兄妹感情要好,回港後,Ella跟妹妹猶如孖公仔般形影不離:「我未去英國讀書時湊過妹妹幾年,試過幫佢換尿片同沖奶,不過當時佢仲未懂性,返嚟香港之後感情仲係咁好,我哋成日一齊出街睇戲食飯,又會玩吓化妝扮靚,依家仲一齊住添!」她更常跟妹妹傾訴心事,關係好比朋友。




