剛由內地回港的方力申昨日偕古巨基及徐濠縈出席《mercibeaucoup 09秋冬時裝騷》時表示，入境時曾填寫健康申報表：「我有寫明同確診豬流感人士接觸，佢哋都有同我檢查，話我冇事，話如果有病徵就要即刻睇醫生。（你同Stephy咁Close，擔唔擔心被傳染？）我抵抗力強呀！希望佢冇事。佢咁多工作，依家要我哋幫佢頂。」對於有指Stephy有豬流感徵狀，仍不戴口罩出席活動，被指有欠公德心，原本心情不錯的他頓時態度變差，寸嘴力撐對方：「佢可能出到嚟先知自己發燒，咁啱又冇口罩！講真，唔係個個人都會帶口罩出街，人病就唔好話人！」

徐濠縈	曾與Stephy一同錄音的Kenix（左）疑感染豬流感。

音樂監製疑中招

此外，徐濠縈表示陳奕迅曾要求她與女兒檢查身體：「我冇佢咁緊張，我哋日日都有飲維他命C，抵抗力好好。不過如果Stephy明知有病徵都唔戴口罩就唔係咁好，唔應該傳播出去。如果我哋真係畀佢傳染，我個女開唔到學，我就好㷫，好彩我哋冇事就OK啦！」

另外，Stephy的音樂監製兼創作歌手Kenix，上周為Stephy灌錄新碟時，兩人共處同一個錄音室近八小時，還食同一盒車厘茄。Kenix昨日出現發燒及流鼻水等感冒徵狀，昨日已前往睇醫生，至今仍未知是否患豬流感。