向來身材Fit爆的泳兒，又是有料之人，惹來不少艷羨目光，屬「瘦底一族」的她，自爆全身最肥胖的位置是腰部：「我條腰最肥，所以令我幾困擾，呢排為咗減肥，我去咗學泰拳，因為對手要不斷揮動，加上要郁嚟郁去，所以幾辛苦，搞到啲肌肉好痛，不過練咗一段時間，應該有成果嘅！」不過，泳兒無意減少食量，她說：「我覺得要我食少啲好難，寧願做多啲運動喇！同埋我唔係食得好油膩，太瘦又唔好睇，只要唔好食消夜就得啦！」
皮膚白滑的她，最愛雪蛤膏及媽咪的愛心湯水，她說：「呢排天氣咁熱，我鍾意飲煲薏米水加冬瓜，因為好飲之餘，仲可以去水腫添！」
