本文重點
周秀娜趁日本上月大減價,相約好友往東京遊一轉大出血,狂掃背心及貼身Tee,為了慳時間,她日間僅以小食醫肚,晚上才豪擦蟹宴補數!
氣勢如虹的周秀娜(Chrissie),為應付之後密麻麻的工作,上月特別向公司要求放假5天到日本旅遊,適逢7月是當地大減價,她準備大量「銀彈」到新宿、原宿及涉谷一帶大出血!她興奮地說:「雖然日圓高企,但減價後依然比香港平一截,而且有啲貨香港仲未有。我最多係買Tee同背心,貪佢唔使試,所以買咗幾多!」為趕往早關門的百貨公司,她笑言連肚餓也感覺不到,最多在街頭買小食醫肚,節省時間繼續Shopping。
難忘鮮甜刺身
晚上待店舖關門後,Chrissie才安心坐下來享用晚餐,同行好友介紹她品嘗日式蟹宴,她說:「蟹樂道係日本幾出名嘅食蟹連鎖店,朋友帶我去新宿地庫分店,地方好大,啲路又迂迴曲折,有啲似中國嘅故宮Feel。」初嘗鮮甜蟹宴的她,大叫一試難忘:「未試過食到咁甜同咁新鮮嘅蟹,而且食法有好多種,我最鍾意刺身同即燒,價錢又大眾化,下次去都會再食過。」




