無綫舉辦的《2009香港小姐競選》昨晚假紅館舉行，今年港姐質素被喻為37年來最差，賽前熱門、挾「林敏俐表妹」之名的劉倩婷全晚表現雖不起眼，出場時更加驚青到口窒窒，但勝在全晚表現平均，最後仍奪得冠軍！獲「史上最靚港姐」朱玲玲加冕。來自紐約的李姿敏則勇奪亞軍，而賽前大勇、來自溫哥華的熊穎詩亦奪得季軍，最上鏡小姐及國際親善小姐則分別由（9）袁嘉敏與（6）黃嘉麗奪得。反觀，成為網友女神的「女版許愿」林潔瑜賽前揚言有信心打入三甲，但仍「大熱」倒灶，未能創造奇迹。

冠軍（4）劉倩婷	林潔瑜賽前突然變成網上大熱門，但最終名落孫山。	港姐一反傳統，由朱玲玲代替上屆冠軍張舒雅為今屆港姐加冕。

志偉暗寸：真係唔易選

昨晚在小康妮的歌聲開場下，十位佳麗穿上宮廷晚禮服出場，為決賽拉開序幕。被網友稱為「瑜瑜」的林潔瑜出場時，不少觀眾即歡呼拍掌，成為唯一一位佳麗得到如此禮遇。今年佳麗質素差，連擔任司儀的曾志偉都說：「我諗評判要動吓腦筋，因為要選出冠亞季軍真係唔易選。」

亞軍（10）李姿敏	國際親善小姐（6）黃嘉麗	最上鏡小姐（9）袁嘉敏

最令人關注的泳衣環節，身形麻麻的瑜瑜雖只得29分，但醒目地叫觀眾為她歡呼：「聽到掌聲可以加添氣氛，場內嘅掌聲代表我攞100分！」可是當中夾雜不少噓聲，但她卻豁出去說：「我會全力以赴，做到最好！」其後，瑜瑜接受古巨基與曾志偉兩位嘉賓訪問，被問到「女版許愿」的「榮銜」，她再次發揮急才：「好榮幸同才子齊名！（但許愿話似佢唔係好事！）可能許愿想我似一個更加巨星嘅人，有更多信心贏啦！」問到她被稱女神是褒獎還是貶時，瑜瑜又再發揮敢言本色：「成為『女神』嘅重點係待人接物同言行！」志偉隨即再窒她：「嘩！你咁犀利？待咁多人接咁多物！你個個人都識嘅咩？」瑜瑜回敬：「大家都欣賞我嘅內在生命，已將我嘅一言一行看在眼內，放在心上！」志偉聽罷也覺得她自信爆棚。可是在結果出爐後，瑜瑜半獎不獲，不少網友群起留言，替她大感不值。在問答環節中，來自紐約李姿敏未知是否有邊讀邊，講「履行港姐職務」時，把「履」字誤說成「復」字。

鍾溥敏賽前是非多多兼表現普通，最後三甲不入。

放大圖片

賽後，奪冠的劉倩婷表示心情興奮：「好開心，冇預計會攞冠軍，司儀叫我嗰一刻都好驚奇，可能表現勝在夠平均，起初都擔心身高唔夠有影響。（任達華彈冇智慧？）讀書人鍾意分析。（會唔會Hea爆？）唔會！我參選就係要履行港姐職務。」她強調自己未有男朋友。

李姿敏：對答唔及冠軍

亞軍李姿敏與季軍熊穎詩同樣覺得開心，李姿敏說：「賽前冇諗過，今日狀態好。（輸乜？）可能對答急才唔夠冠軍好，但對自己表現好滿意。」熊穎詩則說：「好開心，開騷前冇諗過，冇冠軍唔會失望。」

綜觀今屆港姐騷，十位佳麗出場的時間只得一半時間，由多個歌舞環節充撐場面，最感人的親友打氣環節卻突然被Cut，令整個騷不夠完整。