22/08/2009

播放本新聞相關短片

千嬅被催婚:講多口臭!

前晚楊千嬅現身音樂會時,被問何時與緋聞男友丁子高拉埋天窗?近日聲帶生繭的千嬅說:「搞好身體先!」她直言不會再在親友的婚禮上接花球:「好尷尬,特登拉我出去。(人哋為你急!)急咩啫!呢啲要順其自然,個天要畀姻緣我咪接囉!(丁子高有冇求婚?)唔答!講多口臭!」另一邊廂,丁子高昨日與樂基兒出席Lenevo活動,對於千嬅被指趁病休息期間籌備婚禮,他指自己忙到飛起,至於何時娶妻,他直言要等事業有成才可以做人生大事,隔空向千嬅派定心丸。

至於今天29歲生日的樂基兒,表示會在工作中度過:「黎明要開Concert,我哋會喺屋企食飯。(邊個煮?)冇所謂。(想男友送咩?)只係想抖吓瞓覺。(願望想同黎明瞓?)哈!唔係。」

邊個港姐最靚?立即投票!
詳情瀏覽on.cc《香港小姐2009》